ឯកឧត្តម ឧបនាយករដ្ឋមន្រ្ដី កើត រិទ្ធ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រកាសក្រុមការងាររាជរដ្ឋាភិបាលកម្ពុជាចុះមូលដ្ឋានខេត្តបាត់ដំបង===============ខេត្តបាត់ដំបង៖នៅព្រឹកថ្ងៃសុក្រ ២កើត ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១២ ខែមករា ឆ្នាំ២០២៤ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង បានអញ្ជើញជាអធិបតីដ៏ខ្ពង់ខ្ពស់ក្នុងពិធីប្រកាសសមាសភាពក្រុមការងាររាជរដ្ឋាភិបាលចុះមូលដ្ឋានតាមបណ្តាក្រុង ស្រុក ឃុំ សង្កាត់ ចំនួន ៣៣១រូប នៅខេត្តបាត់ដំបង ដើម្បីចូលរួមគាំទ្រ និងជំរុញការអនុវត្តកម្មវិធីនយោបាយ យុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាលកម្ពុជា។ ពិធីនេះមានការអញ្ជើញចូលរួមពីសំណាក់ ថ្នាក់ដឹកនាំនៃក្រសួងយុត្តិធម៌, ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង ឯកឧត្តម លោកជំទាវ លោក លោកស្រី ជាសមាជិក សមាជិកានៃក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង ព្រមទាំង មន្ត្រីរាជការនៃអាជ្ញាធរដែនដី, មន្ទីរ, អង្គភាពនានាផងដែរ។ ថ្លែងក្នុងពិធីនេះ, ឯកឧត្តម ឧបនាយករដ្ឋមន្រ្តី បានសម្តែងនូវអំណរគុណយ៉ាងជ្រាលជ្រៅបំផុតគោរពជូន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលបានផ្តល់សេចក្តីទុកចិត្តចាត់តាំងលោកឲ្យធ្វើជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង ដែលឯកឧត្តម ឧបនាយករដ្ឋមន្ត្រីចាត់ទុកថាជាកិត្តិយសដ៏ធំធេង និងបេសកកម្មការងារដ៏ឧត្តុង្គឧត្តម ក្នុងការរួមចំណែក ដើម្បីបម្រើប្រជាជនក្នុងខេត្តបាត់ដំបង និងជាការរួមចំណែកក្នុងការអភិវឌ្ឍន៍លើគ្រប់វិស័យនៅក្នុងខេត្តបាត់ដំបង ដែលជាខេត្តប្រកបសក្តានុពល និង ភាពទាក់ទាញរបស់ព្រះរាជាណាចក្រកម្ពុជា។ក្រៅពីបានសម្តែងនូវការអបអរសាទរជូនចំពោះ អនុប្រធាន និងសមាជិក សមាជិកា ក្រុមការងារ ដែលត្រូវបានតែងតាំងថ្មី ឯកឧត្តម ឧបនាយករដ្ឋមន្ត្រី ក៏បានសម្តែងនូវការដឹងគុណ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង ក្នុងអាណត្តិកន្លងទៅ ដែលបានខិតខំបំពេញការងាររបស់ខ្លួនប្រកបដោយប្រសិទ្ធភាព និងការទទួលខុសត្រូវខ្ពស់ និងជាពិសេស ថ្លែងអំណរគុណដ៏ជ្រាលជ្រៅជូនចំពោះ សម្តេចក្រឡាហោម ស ខេង អតីតឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាអតីតប្រធានក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង ដែលបានបន្សល់ទុកនូវសមិទ្ធផល និងស្នាដៃជាច្រើន សម្រាប់ប្រជាជន និងខេត្តបាត់ដំបង។ ឯកឧត្តម ឧបនាយករដ្ឋមន្រ្តី បានគូសបញ្ជាក់ថា ថ្វីដ្បិតតែក្រុមការងាររាជរដ្ឋាភិបាលត្រូវបានចាត់តាំងថ្មី ក៏ប៉ុន្តែ បេសកកម្មនៅតែដដែល គឺបន្តបេសកកម្មដើម្បីបម្រើប្រជាជនក្នុងខេត្តបាត់ដំបង ពិសេស ផ្អែកលើមូលដ្ឋានសមិទ្ធផល និង មូលដ្ឋានការងារដែលមានស្រាប់ បន្តពីក្រុមការងាររាជរដ្ឋាភិបាលអាណត្តិកន្លងទៅ។នៅចំពោះមុខអង្គពិធី ឯកឧត្តម ឧបនាយករដ្ឋមន្ត្រី កើត រិទ្ធ បានរំឭកអំពីសមិទ្ធផលជាប្រវត្តិសាស្រ្តជាច្រើន ដែលសម្រេចបានដោយរាជរដ្ឋាភិបាលអាណត្តិមុន ក្រោមការដឹកនាំរបស់សម្តេចតេជោ ហ៊ុន សែន ជាពិសេស ការសម្រេចបាននូវសុខសន្តិភាពពេញលេញ តាមរយៈនយោបាយឈ្នះ-ឈ្នះ។ ក្នុងន័យនេះ ឯកឧត្តម ឧបនាយករដ្ឋមន្ត្រី ក៏បានណែនាំឲ្យក្រុមការងាររាជរដ្ឋាភិបាល និងរដ្ឋបាលខេត្តបាត់ដំបង ព្រមទាំងកងកម្លាំងប្រដាប់អាវុធគ្រប់ផ្នែក ត្រូវរួមគ្នាបន្តការពារឲ្យបានជាដាច់ខាតនូវសុខសន្តិភាព ស្ថិរភាពនយោបាយ សន្តិសុខ និងសណ្តាប់ធ្នាប់សាធារណៈ ក៏ដូចជា ឯករាជ្យ អធិបតេយ្យជាតិ និងបូរណភាពទឹកដី ព្រមទាំងទប់ស្កាត់មិនឲ្យមានការជ្រៀតជ្រែកចូលក្នុងកិច្ចការផ្ទៃក្នុងកម្ពុជា ឬការធ្វើសកម្មភាពណាមួយ ដែលបង្កអស្ថិរភាពនយោបាយ ឬចលាចលក្នុងសង្គម។បន្ថែមពីលើនេះទៅទៀត ឯកឧត្តម ឧបនាយករដ្ឋមន្ត្រី ក៏បានណែនាំផងដែរដល់ក្រុមការរាជរដ្ឋាភិបាលឲ្យចូលរួមគាំទ្រ និងជំរុញការអនុវត្តកម្មវិធីនយោបាយ យុទ្ធសាស្ត្របញ្ចកោណ-ដំណាក់កាលទី១ និងកិច្ចការអាទិភាពគន្លឹះទាំង ៥ របស់រាជរដ្ឋាភិបាលកម្ពុជា ជាពិសេស ការអនុវត្ត “គោលនយោបាយភូមិ-ឃុំ-សង្កាត់មានសុវត្ថិភាព” ដោយក្នុងនោះ ឯកឧត្តម ឧបនាយករដ្ឋមន្ត្រី កើត រិទ្ធ បានសង្កត់ធ្ងន់លើការប្រយុទ្ធប្រឆាំងនឹងគ្រឿងញៀន ការលើកកម្ពស់សុវត្ថិភាពចរាចរណ៍ និងការដោះស្រាយវិវាទរបស់ប្រជាជននៅតាមមូលដ្ឋាន។ទាក់ទងនឹងការដោះស្រាយវិវាទនេះ ឯកឧត្តម ឧបនាយករដ្ឋមន្រី្ត បានគូសបញ្ជាក់ អំពី ការបង្កើតអាជ្ញាធរជាតិដោះស្រាយវិវាទក្រៅប្រព័ន្ធតុលាការ ដែលនឹងចាប់ផ្តើមទទួលបណ្តឹង នៅថ្ងៃទី១ ខែមីនា ឆ្នាំ២០២៤ ខាងមុខ ហើយដែលអាចនឹងផ្តល់ការគាំទ្រផ្នែកបច្ចេកទេស និង ផ្តល់កិច្ចសហការជូនដល់អាជ្ញាធរមូលដ្ឋាន ក៏ដូចជា តួអង្គពាក់ព័ន្ធនានា សំដៅលើកកម្ពស់សមត្ថភាព និង ប្រសិទ្ធភាព ក្នុងការដោះស្រាយវិវាទជូនប្រជាពលរដ្ឋនៅមូលដ្ឋាន ។ក្រៅពីនេះ ឯកឧត្តម ឧបនាយករដ្ឋមន្ត្រី កើត រិទ្ធ បានណែនាំដល់ក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង ក្នុងនាមជាសេនាធិការរបស់រដ្ឋាភិបាលនៅកម្រិតមូលដ្ឋាន ត្រូវជួយគាំទ្រ និងជំរុញការលើកកម្ពស់សមត្ថភាពស្ថាប័ននៅមូលដ្ឋាន និងជាពិសេស វាយតម្លៃ និងកំណត់អំពីសក្តានុពលរបស់ខេត្ត ដោយ ឯកឧត្តម ឧបនាយករដ្ឋមន្ត្រី បានគូសបញ្ជាក់ អំពីសក្តានុពលជាច្រើនរបស់ខេត្តបាត់ដំបង ក្នុងនោះ ក្រៅពីវិស័យកសិកម្ម និងកសិកម្មឧស្សាហកម្ម នៅមានសក្តានុពលខាងភូមិសាស្រ្ត ប្រជាសាស្រ្ត និងជាពិសេស ខាងទេសចរណ៍។ ហេតុដូច្នេះហើយបានជាឯកឧត្តម ឧបនាយករដ្ឋមន្ត្រី ជំរុញឲ្យក្រុមការងាររាជរដ្ឋាភិបាលខិតខំផ្សព្វផ្សាយឲ្យបានទូលំទូលាយនូវភាពទាក់ទាញរបស់ខេត្ត សំដៅទាក់ទាញ ទេសចរជាតិ និងអន្តរជាតិ ក៏ដូចជា ធ្វើសកម្មភាពផ្សេងទៀត ដើម្បីទាក់ទាញវិនិយោគ សំដៅបង្កើតការងារ និងលើកកម្ពស់ជីវភាពរបស់ប្រជាជន៕
ចំនួនអ្នកទស្សនា
ឯកឧត្តម កើត ឆែ អភិបាលរងរាជធានីភ្នំពេញ បានអញ្ចើញចូលរួមជាអធិបតី ក្នុងកិច្ចប្រជុំ សាមញ្ញលើកទី៦០ របស់ក្រុមប្រឹក្សា រាជធានីភ្នំពេញ អាណត្តិទី៣ នៅសាលប្រជុំសាលារាជធានីភ្នំពេញ
ឯកឧត្តម កើត ឆែ អភិបាលរងរាជធានីភ្នំពេញ បានអញ្ចើញអធិបតីក្នុងពិធី បើកវគ្គបណ្តុះបណ្តាល ស្តីពីការតាក់តែង លិខិតរដ្ឋបាល នៅសាលារាជធានីភ្នំពេញ
កុមារា ហ៊ុន ពេជមុន្នីរិទ្ធិសិដ្ឋ កូនប្រុសសម្តេចធិបតី ហ៊ុន ម៉ាណែត ទទួលបានលេខ១ ពីការប្រឡងគណិតវិទ្យា នៅអាស៊ី SASMO ឆ្នាំ២០២៤
លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម នាំយកនូវថវិកា សប្បុរសធម៌ ចំនួន ១៦,៩២១,០០០រៀល ចូលរួមទ្រទ្រង់សកម្មភាពមនុស្សធម៌ របស់សាខាកាកបាទក្រហមកម្ពុជា ខេត្តកំពង់ចាម
ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តី អញ្ជើញជាអធិបតីភាពដ៏ខ្ពង់ខ្ពស់ ក្នុងពិធីអបអរខួបទី១៦១ ទិវាពិភពលោក កាកបាទក្រហម និងអឌ្ឍចន្ទក្រហម ៨ ឧសភា នៅសាលាខេត្តកំពង់ចាម
ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តីនៃកម្ពុជា អញ្ជើញដឹកនាំគណៈប្រតិភូ ចូលរួមពិធីរំលឹកខួប លើកទី៧០ឆ្នាំ នៃទិវាជ័យជម្នះ លើសមរភូមិ ឌៀនបៀនភូ នៅខេត្តឌៀនបៀន សាធារណរដ្ឋសង្គមនិយមវៀតណាម
ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានអញ្ជើញដឹកនាំកិច្ចប្រជុំ ពង្រឹងការងារជំនាញ សន្តិសុខ ព្រហ្មទណ្ឌ គ្រឿងញៀន និងការងារអន្តោប្រវេសន៍
ខ្មាន់កាំភ្លើងដែលបានធ្វើ សកម្មភាពបាញ់ប្រហារ ចំនួន៦គ្រាប់ ទៅលើយុវជនមួយក្រុម បណ្ដាលឲ្យរងរបួស ត្រូវបានកម្លាំងការិយាល័យ ព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ស្រាវជ្រាវបង្ក្រាបបានហើយ
សម្តេចមហាបវរធិបតី ហ៊ុន ម៉ាណែត បានអនុញ្ញាតឱ្យឯកឧត្តម ផាទ្រីក មើហ្វី (W. Patrick Murphy) ឯកអគ្គរដ្ឋទូតសហរដ្ឋអាមេរិក ប្រចាំកម្ពុជា ចូលជួប សម្តែងការគួរសម និងជម្រាបលា នៅវិមានសន្តិភាព
ឯកឧត្តម ឧបនាយករដ្នមន្ត្រី សាយ សំអាល់ បានអញ្ចើញជាអធិបតីភាពដ៏ខ្ពង់ខ្ពស់ ក្នុងកិច្ចប្រជុំបូកសរុប លទ្ធផលការងារ ប្រចាំត្រីមាសទី១ របស់ក្រុមការងាររាជរដ្ឋាភិបាលចុះមូលដ្ឋាន និងជំរុញការងារ ចុះបញ្ជីដីធ្លី ក្នុងភូមិសាស្រ្តខេត្តព្រះសីហនុ
ឯកឧត្តម ឧបនាយករដ្នមន្ត្រី សាយ សំអាល់ អញ្ចើញជាអធិបតីភាពដ៏ខ្ពង់ខ្ពស់ ក្នុងកិច្ចប្រជុំបូកសរុប លទ្ធផលការងារ ប្រចាំត្រីមាសទី១ របស់ក្រុមការងាររាជរដ្ឋាភិបាលចុះមូលដ្ឋាន និងជំរុញការងារចុះបញ្ជីដីធ្លី ក្នុងភូមិសាស្រ្តខេត្តកំពត
សម្ដេចមហាបវរធិបតី ហ៊ុន ម៉ាណែត នាយករដ្នមន្ត្រីនៃព្រះរាជាណាចក្រកម្ពុជា អញ្ចើញជាអធិបតីភាពដ៏ខ្ពង់ខ្ពស់ ក្នុងពិធីប្រកាសដាក់ឱ្យអនុវត្ត ជាផ្លូវការ ប្រព័ន្ធបញ្ជរ តែមួយជាតិ
លោកឧត្តមសេនីយ៍ទោ សុខ សំបូរ ប្រធាននាយកដ្ឋាន ប្រឆាំងការជួញដូរមនុស្ស និងការពារអនីតិជន បានអញ្ចើញចូលរួមបើកវគ្គ បណ្តុះបណ្តាលស្តីពីការ បង្ការ ទប់ស្កាត់ ការលួចនាំមនុស្សឆ្លងដែន ដោយខុសច្បាប់ និងការជួញដូរមនុស្សគ្រប់ទម្រង់ នៅស្នងការនគរបាលខេត្តស្វាយរៀង
ឯកឧត្តម អ៊ុន ចាន់ដា អភិបាលខេត្តកំពង់ចាម បានអញ្ជើញបើកការដ្ឋាន ខួងអណ្ដូងបុក និងចុះផ្តល់ទឹកស្អាត ដល់សាលារៀន ដែលជួបបញ្ហា ប្រឈមខ្វះទឹក នៅស្រុកបាធាយ
ឯកឧត្តម កើត ឆែ អភិបាលរងរាជធានីភ្នំពេញ បានអញ្ចើញចូលរួមជាអធិបតី ក្នុងពិធីផ្សព្វផ្សាយ ស្តីពីការ អនុវត្តរបបសន្តិសុខសង្គម ផ្នែកថែទាំសុខភាព តាមរបបភាគទាន ដោយស្ម័គ្រចិត្តសម្រាប់អ្នក ក្នុងបន្ទុកសមាជិក ប.ស.ស. ជាមន្ត្រីសាធារណៈ
ឯកឧត្តម គួច ចំរើន អភិបាលខេត្តព្រះសីហនុ អញ្ជើញដឹកនាំកិច្ចប្រជុំ បូកសរុបលទ្ធផលការងារ ប្រចាំខែមេសា ឆ្នាំ២០២៤ និងលើកទិសដៅ ប្រចាំខែឧសភា របស់រដ្ឋបាលខេត្តព្រះសីហនុ
ឯកឧត្តម អ៊ុន ចាន់ដា អភិបាលខេត្តកំពង់ចាម បានអញ្ជើញចូលរួមពិធី បុណ្យគម្រប់ខួប២ឆ្នាំ ឧទ្ទិសមហាកុលជូនដល់ ដួងវិញ្ញាក្ខន្ធ សម្តេចឧត្តមទេពញាណ ហ៊ុន ណេង ស្ថិតនៅមហាចេតិយ ក្នុងស្រុកកំពង់សៀម
ឯកឧត្តម សេង ទៀង នាយករងខុទ្ធការល័យ សម្ដេចមហាបវរធិបតី ហ៊ុន ម៉ាណែត បានអញ្ជើញនាំយកអំណោយ សម្ដេចតេជោ និងសម្តេចកិត្តិព្រឹទ្ធបណ្ឌិត ចែកជូនប្រជាពលរដ្ឋសម្រាល ទារិកាភ្លោះបីនាក់ ដល់ផ្ទះ នៅក្រុងកំពង់ចាម
សម្តេចមហាបវរធិបតី ហ៊ុន ម៉ាណែត អញ្ជើញដឹកនាំកិច្ចប្រជុំ គណៈអចិន្រ្តៃយ៍ នៃយុវជនគណបក្សប្រជាជនកម្ពុជាថ្នាក់កណ្តាល ដើម្បីពិនិត្យពិភាក្សា លើការកែសម្រួល និងបំពេញបន្ថែម រចនាសម្ព័ន្ធ
កុមារា ហ៊ុន ពេជមុន្នីរិទ្ធិសិដ្ឋ កូនប្រុសសម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ទទួលបានលេខ១ ពីការប្រកួត គណិតវិទ្យាកម្រិតតំបន់ និងពិភពលោក