លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម អញ្ចើញចូលរួមក្នុងកិច្ចប្រជុំបូកសរុបលទ្ធផលការងារប្រចាំឆ្នាំ២០២៤ និងលើកទិសដៅឆ្នាំ២០២៥ និងទិសដៅបន្ត នៃការអនុវត្តគោលនយោបាយ ភូមិ-ឃុំ-សង្កាត់មានសុវត្ថិភាព
អបអរសាទរ ខេត្តកំពង់ចាមទទួលបាន ចំណាត់ថ្នាក់លេខ ១ ទាំង ១០៩ឃុំ-សង្កាត់ ភូមិ-ឃុំ-សង្កាត់មានសុវត្ថិភាព
===========
នៅព្រឹកថ្ងៃអង្គារ ទី០៤ ខែកុម្ភៈ ឆ្នាំ២០២៥ លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម បានអញ្ចើញចូលរួមក្នុងកិច្ចប្រជុំបូកសរុបលទ្ធផលការងារប្រចាំឆ្នាំ២០២៤ និងលើកទិសដៅឆ្នាំ២០២៥ និងបូកសរុបលទ្ធផលការងារប្រចាំត្រីមាសទី១ ឆ្នាំ២០២៥ និងទិស ដៅបន្តនៃការអនុវត្តគោលនយោបាយ ភូមិ-ឃុំ-សង្កាត់មានសុវត្ថិភាព ក្រោមអធិបតីភាព ឯកឧត្តម អ៊ូច ភា រដ្ឋលេខាធិការក្រសួងមហាផ្ទៃ ឯកឧត្តច ខ្លូត ជន ប្រធានក្រុមប្រឹក្សាខេត្ត ឯកឧត្ដម អ៊ុន ចាន់ដា អភិបាលនៃគណៈអភិបាលខេត្តកំពង់ចាម។
កិច្ចប្រជុំនេះក៏មានការអញ្ជេីញចូលរួម ឯកឧត្ដម ហេង ពិទូ អនុរដ្ឋលេខាធិការ ក្រសួងមហាផ្ទៃ, អភិបាលរងខេត្ត, សមាជិកក្រុមប្រឹក្សាខេត្ត, ឯកឧត្ដម ព្រះរាជអាជ្ញា អមសាលាដំបូងខេត្ត, លោកស្នងការខេត្ត, លោកមេបញ្ជាការរង យោភូមិភាគ ២, លោកមេបញ្ជាការរង តំបន់ប្រតិបត្តិការសិករងខេត្ត, លោកមេបញ្ជារងការកងរាជអាវុធហត្ថខេត្ត, លោក នាយក នាយករង រដ្ឋបាលខេត្ត, លោកប្រធាន មន្ទីរ/អង្គភាពនានាជុំវិញខេត្ត, លោក ប្រធាន អនុរធាន ការិយាល័យ ប្រជាពលរដ្ឋ, លោក នាយក នាយករង ទីចាត់ការ, លោកប្រធាន អនុប្រធាន ការិយាល័យ, លោក ប្រធាន ក្រុមប្រឹក្សា ក្រុង-ស្រុក, អភិបាលក្រុង-ស្រុក, អធិការក្រុង-ស្រុក, មេបញ្ជាការមូលដ្ឋានអាវុធហត្ថក្រុង-ស្រុក, មេឃុំ ចៅសង្កាត់, ស្មៀន ឃុំ-សង្កាត់, ប្រធាន មណ្ឌលសុខភាព ឃុំ-សង្កាត់, បុស្តិ៍ នគរបាល រដ្ឋបាលឃុំ-សង្កាត់ និងអ្នកពាក់ព័ន្ធ បានចូលរួម សរុបចំនួន ៦៦២ រូប ស្ត្រីចំនួន ៥២ នាក់។ ក្នុងកិច្ចប្រជុំនេះ ក៏មានការធ្វើបទអន្តរាគមន៍ ពីលោកស្នងការខេត្ត និងលោកប្រធានមន្ទីបរិស្ថានខេត្តផងដែរ៕
ឯកឧត្តម អ៊ុន ចាន់ដា អភិបាលខេត្តកំ ង់ចាម បានថ្លែងថា ឆ្លងតាមការពិនិត្យ និងវាយតម្លៃលើ សភាពការណ៍ កិច្ចសហប្រតិបត្តិការបង្ក្រាបបទល្មើស និងលទ្ធផលចាត់ តាំងអនុវត្តគោលនយោបាយ «ភូមិ-ឃុំ-សង្កាត់មានសុវត្ថិភាព» របស់ថ្នាក់ជាតិ ខេត្តកំពង់ចាម ទទួលបានចំណាត់ថ្នាក់ល្អប្រសើរដូចបណ្ដា ឆ្នាំមុនៗ គឺ ឃុំ-សង្កាត់ទទួលបានចំណាត់ថ្នាក់ប្រភេ ទលេខ ១ ទាំង ១០៩ឃុំ-សង្កាត់។
